 |
| مطاعم أسيوط - دليل مطاعم اسيوط - دليلك لأفضل وأشهر 100 مطعم باسيوط |
في المقالة دي هنحاول نغطي اشهر وافضل المطاعم الموجوده في محافظة اسيوط زي ما كتبنالكم عن ارخص مكتبات بيع الكتب في اسيوط ولو انت طالب وعاوز تذاكر عملنالك قائمة أفضل اماكن للمذاكرة والوركسبيس في اسيوط دا غير دليل الجمعيات الخيرية باسيوط يعني من الاخر دليل اسيوط مش هتقصر معاك فحاجة نهائي 😉😍
مطاعم اسيوط
طبعا فالحبيبة اسيوط كل 24 ساعه مطعم جديد بيقفل وبيفتح غيرة واحد لدرجة ان الاكيلة اطلقوا عليها بلد الالف مطعم ومطعم 😂 تنوعت المطاعم فاسيوط لدرجة اننا تعبنا واحنا بنبحث عنهم وبنحصرهم علشان نسهل عليكم.
تمركزت المطاعم في مناطق معينة اغلبها قريب من وسط البلد وفي بعض الشوارع الي حركتها عاليه زي مطاعم شارع الازهر الموجوده عند اسماء الله الحسني ومطاعم شارع الهلالي باسيوط وكمان مطاعم شارع الجمهورية بأسيوط
هنحاول في المقالة دي تغطية وتقسيم المطاعم بشكل منظم أكتر لسرعة الاستفادة من الدليل حيث سيتم تقسيمها حسب الشوارع وحسب نوع الوجبات وحسب الشهرة.
أشهر مطاعم أسيوط حسب الاماكن
في هذا القسم سيتم ترتيب المطاعم حسب الشوارع واشهر الاماكن بأسيوط يرجي العلم ان الترتيب غير منظم ولكن يغطي بشكل كبير وفعلى المطاعم الموجودة بالشارع وكل التفاصيل التي تحتاج لمعرفتها
أشهر مطاعم أسيوط حسب الاصناف والوجبات
في القسم دا هنحاول نسهل عليكم بجمع اشهر المطاعم المتخصصة في اصناف معينة وفالعادي بيكون المطعم دا ناجح بسبب وجباته واصنافة المحدده بالاضافة للتسهيل عليكم علشان توصلوا ليها بشكل سلسل علي نقاط
أشهر المطاعم بمحافظة أسيوط
في القسم دا هنغطي اشهر المطاعم علي نطاق المحافظة يعني لو عاوز تتغدي مع العيلة بأكلة بلدي ترم عضمك يبقي عليك وعلي مطعم بهية أسيوط للأكلات الفلاحي طلبت تغيير وبتحب الفراخ والبروست يبقي مطعم بازوكا أسيوط للفرايد تشكن الي فالجمهورية او لو طلبت معاك بيتزا وشاورما يبقي معانا مطعم صلصة أسيوط للبيتزات في شارع النميس الدماغ هبت منك وحابة تغير الاكل المصري خالص وتاكل سوري يبقي عندك مطعم الدمشقي للأكلات السورية وغيرهم كتير
شوف القائمة دي : أشهر المطاعم بمحافظة أسيوط
أشهر مطاعم شارع الأزهر بأسيوط (أسماء الله الحسني)
شارع اسماء الله الحسني من الشوارع المشهورة في اسيوط نظرا لقربة من جامعة الازهر علشان كدا متميز بخط كامل علي طول الشارع بالمطاعم ومنها كشري المجنون اسيوط وكمان مطعم وكشري ابو حنفي اسيوط فرع الازهر بالاضافة لمطعم ارابياتا اسيوط كمان لو نفسك فالسوري فهتلقي عندك مطعم حمزة السوري باسيوط وكمان برضو مطعم الدمشقي باسيوط وفية مطعم سوري فتح جمبهم جديد أسمة الشام للأكلات السورية باسيوط مكان مطعم دونت تل .
شوف القائمة دي : أشهر مطاعم أسيوط بشارع الازهر
أشهر مطاعم كورنيش النيل بأسيوط (شارع الكورنيش)
طبعا احنا بنتكلم عن شارع حيوي بشكل كبير جداا اللوكيشن الرسمي للحبيبة والمرتبطين تحس انك داخل كوبري ستانلي فالاسكندرية لما تعدي من الشارع دا علي طول الخط هتلقي كمية مطاعم لا تعد ولا تحصي ونبدأ بمطعم مؤمن بأسيوط وبعدها بشويتين تلاتة هتلقي مطعم كنتاكي اسيوط شارع الكورنيش وتتمشي شوية تلقي ماسورة مطاعم فتحت منها لو بتحب السمك والبحريات هتلقي مطعم فيش كورنر اسيوط بالاضافة لمطعم اسماك الحمد باسيوط الي شهرتة من نار علي علم وكمان ومطعم اباتشي اسيوط الي عمل قلبان في الافتتاح ودبل دز اسيوط الي تحسهم أخوات واخيرا فرع مطعم كمونة اسيوط بكورنيش النيل،شوف المقالة الي تحت علشان تعرف جميع المطاعم الي فشارع كورنيش النيل باسيوط
شوف القائمة دي : أشهر مطاعم كورنيش النيل باسيوط
اشهر مطاعم شارع الجمهورية بأسيوط
من الشوارع الي دايما تلقاه زحمة بسبب الحركة فية وبيبدأ من أم البطل وبينتهي بالمنفذ فأول الشارع مول الوطنية وحوالية بعض البنوك زي بنك مصر وسي اي بي وغيرهم ، في الشارع رغم طوله الا انك هتلقي فية بعض المطاعم المتميزة في اسيوط ومنها علي سبيل المثال مطعم ماكدونالدز أسيوط وكمان لو نفسك جايباك علي كريب فهتلقي فاول الشارع مطعم ميكس كريب دا بالاضافة لـمطعم بازوكا فرع اسيوط الي عمل قلبان في الافتتاح وكمان عندك أشهر محل فول وفلافل في اسيوط وهوا ساندوتش الدمياطي باسيوط تقدر تشوف المقالة الكاملة باشهر مطاعم شارع الجمهورية باسيوط
شوف القائمة دي :اشهر مطاعم شارع الجمهورية بأسيوط
الموقع غير مسئول عن محتوى التعليقات و نرجو الإلتزام باللياقة في التعبير