- اعلان -
تبديل الكتب في اسيوط

للأعلان في نفس المساحة اضغط هنا

قد تعجبك

قائمة بأشهر الجمعيات الخيرية بأسيوط 2022 [دليل الجمعيات الخيرية باسيوط]

 بتبحث عن الجمعيات الخيرية في اسيوط ؟ والموضوع صعب عليك شوية؟ في المقالة دي هتكون دليل شامل باشهر الجمعيات الخيرية في محافظة أسيوط مع كافة التفاصيل من عناوين وارقام التليفونات

أشهر الجمعيات الخيرية في اسيوط - جمعيات خيرية باسيوط
أشهر الجمعيات الخيرية في اسيوط - جمعيات خيرية باسيوط

الجمعيات الخيرية في اسيوط

ناس كتير بتبحث الفترة دي عن الجمعيات الخيرية فأسيوط لأسباب كتير منها انهم ممكن يكونوا متبرعين جزاهم الله خير او محتاجين او شباب حابب يتطوع ويستفيد بوقته فحاجة مفيده

والفترة دي بالتحديد البحث والطلب زاد جدا علي الجمعيات الخيرية فاسيوط مش بس اسيوط بل في المحافظات التانية نتيجة للوضع الاقتصادي ،علشان كدا في المقالة دي هنغطي كل التفاصيل الي هتحتاجها اذا كنت متبرع او محتاج او شاب حابب يتطوع فالخير

ملاحظات سريعة وتنويهات
  1. لما بتتبرع بمبلغ مادي معين او قيمة فلوس اتاكد انك تستلم إيصال تبرع بالقيمة المتبرع بيها باسم وختم المؤسسة .
  2. من حقك تسأل الفلوس هتروح فين او توجه الفلوس لنشاط معين حابب تحطة فيه مثلا بس اتاكد ان الجمعية او الكيان شغال الفترة دي فالنشاط دا لان في نشاطات موسمية زي الشنط المدرسية والشتا وهكذا
  3. تعامل بأحسان افتكر ان الي بتكلمهم اغلبهم متطوعين مش موظفين واعرف دايما ان الجمعيات الخيرية بتمشي باجرائات قانونية فممكن موضوع يطول حاجة بسيطة بس دي كلها اجرائات روتينية يعني 
  4. التبرعات في الوضع الحالي يعتبر قليلة فبالتالي اختيار الحالات المستفيدة بيمر بمراحل كتير لتأكيد مدي استحقاقها
  5. القائمة دي علشان تسهل عليك الوصول لأشهر الجمعيات الخيرية فأسيوط ،ومفيش تفضيل لمكان عن غيرة والعرض للتسهيل وليس التفضيل ولا أبداء اي رأي يحتمل صواب او خطأ

جمعيات خيرية في اسيوط

في القائمة التالية أشهر الجمعيات الخيرية بأسيوط والتي تغطي معظم المراكز علي مستوي المحافظة

1. شباب صناع الحياة اسيوط

جمعية صناع الحياة أسيوط
جمعية صناع الحياة أسيوط

من الجمعيات الخيرية المشهورة في اسيوط بسبب الحملات التوعوية والمشروعات الخيرية الي بتعملها وبتستهدف بيها عدد كبير من الشباب والمتطوعين ،الجمعية عملت برامج ومشاريع لمحو الامية والسكن الامن والتوعية عن مخاطر السجائر والمخدرات وبتغطي اغلب المراكز في اسيوط دا غير حملات الاضاحي والشنط المدرسية وغيرها

العنوان :  محافظة اسيوط - 13 شارع المحافظة امام مجمع الرجاء بجوار بيتزا باتيسيا (عند مبني المحافظة)
ارقام التواصل:  0882052350 او 0882052454 (رقم ارضي قم بازالة 088 للاتصال من هاتف ارضي)
يمكن التطوع بالجمعية؟: نعم (اذهب او تواصل معهم عبر الصفحة الرسمية او الرقم بالاعلي)
لتفاصيل اكتر عن الجمعية وكيفية الوصول : جمعية صناع الحياة اسيوط 



2. جمعية رسالة أسيوط

جمعية رسالة أسيوط - جمعية رساله اسيوط
جمعية رسالة أسيوط - جمعية رساله اسيوط

اعتقد الجمعية مشهورة ومعروفة من اسمها بسبب الاعلانات والدعايا الكتيرة الي هتلقاها علي كل حيطة وانت ماشي فاسيوط ،جمعية رسالة واحده من الجمعيات الي بتغطي جمهورية مصر العربية بعدد فروع كبير وبتشتغل في انشطة كتير منها ذوي الهمم والمجالات البيئية وبناء الاسقف وعمل وصلات المياة للمحتاجين وتجهيز العرائس وسداد الغارمات


العنوان :  اسيوط شارع الهلالي - تقسيم البترول - شارع سيد درويش
ارقام التواصل: 01021433422 او 01099732276 او 0882147166  (رقم ارضي قم بازالة 088 للاتصال من هاتف ارضي)
يمكن التطوع بالجمعية؟: نعم (اذهب او تواصل معهم عبر الصفحة الرسمية او الرقم بالاعلي)
لتفاصيل اكتر عن الجمعية وكيفية الوصول :  جمعية رسالة أسيوط

3. جمعية مصر الخير بأسيوط

جمعية مصر الخير أسيوط - جمعية مصر الخير فرع اسيوط
جمعية مصر الخير أسيوط - جمعية مصر الخير فرع اسيوط

الجمعية دي بتعمل تعاونات ومشاريع ومبادرات عملاقة علي مستوي الجمهورية منها من فترة مشروع لتطوير الشباب عن طريق تعليمهم مهارات سوق العمل ،دا غير تدخلها في مجالات العمل الخيري في التعليم وبناء المدارس وكفالة الايتام ،وكمان تقديم مشاريع للطبقات الفقيرة وغيرها من الانشطة الي تساعد في تقليل من حدة وصعوبة المعيشة

العنوان :  139 شارع جامعة الأزهر - برج المصطفى شقة 301 (الدور الثالث العلوى) - أسيوط (قدام مستشفي الصدرية بعد دار المناسبات )
ارقام التواصل:  0882058987 (رقم ارضي قم بازالة 088 للاتصال من هاتف ارضي)
يمكن التطوع بالجمعية؟: غير معروف
لتفاصيل اكتر عن الجمعية وكيفية الوصول : جمعية مصر الخير أسيوط


4. جمعية الاورمان أسيوط

جمعية الاورمان اسيوط - مقر جمعية الاورمان اسيوط - رقم جمعية الاورمان اسيوط
جمعية الاورمان اسيوط - مقر جمعية الاورمان اسيوط 

جمعية الاورمان من الجمعيات برضوا المنتشرة علي مستوي جمهورية مصر العربية ،الجمعية دي نشاطتها كتير ومتوسعة في مجالات كتيير منها تجهيز العرائس ودعم الايتام وعمل مشاريع صغيرة للأسر بالاضافة الي للتركيز في مجال التعليم ودعم الطلاب المحتاجين والاسر المستفيدة ،الجمعية بتغطي نطاق اسيوط والاماكن البعيدة وكل فترة بتعمل حملات لدعم المحتاجين والفقراء

العنوان : 
ارقام التواصل:
يمكن التطوع بالجمعية؟: غير معروف
لتفاصيل اكتر عن الجمعية وكيفية الوصول : جمعية الاورمان اسيوط


5. جمعية مشكاة نور اسيوط

مشكاة نور اسيوط - كشك الاخلاق اسيوط
مشكاة نور اسيوط - كشك الاخلاق اسيوط

من الجمعيات الي بتهتم بتطوير ودعم المجتمع والافراد عن طريق مشاريع وتدريبات مفيدة للأسر المستفيدة علي المستوي الشخصي تعمل الجمعية كبوصلة للأفراد لدعم وتدريبهم علي رفع كفائتهم التعليمية عن طريق حقائب تدريبية مخصصة بالاضافة لأهتمامها بجانب الاخلاقي والتعاليم الحميدة 

العنوان : هوا كان في سيتي ورا الشابات المسلمات 
ارقام التواصل: - (جاري التواصل مع الجمعية لأخذ التفاصيل)
يمكن التطوع بالجمعية؟: غير معروف



6. جمعية الجيل المنتج اسيوط

جمعية الجيل المنتج اسيوط
جمعية الجيل المنتج اسيوط - جمعيات خيرية في اسيوط

جمعية الجيل المنتج اسيوط هي جمعية خيرية مشهرة برقم 666 لسنة 2005 الفترة دي كان في تحرك كبير ونشاط من الجمعية ،الجمعية بتغطي نشاطات كتير منها اطعام الطعام وتسديد الغارمين وتجهيز العرائس والشنط المدرسية وتعليم المحتاجين ،بالاضافة الي بناء مشروعات صغيره للأسر المحتاجة ودعم زوي الهمم

العنوان : 36 ش إسماعيل القباني متفرع من ش الهلالي بجوار باب مدرسة طه حنفي الخلفي
ارقام التواصل:  01021994662  - 01092533433 - 01027337719
يمكن التطوع بالجمعية؟: نعم

7. جمعية الهلال الاحمر المصري باسيوط

جمعية-الهلال-الاحمر-باسيوط
جمعية-الهلال-الاحمر- باسيوط - جمعيات خيرية في اسيوط

الهلال الاحمر من جمعيات المجتمع المدني النشطة بشكل كبير في مجال مواجهة الاغاثة والكوارث ،تتيح الجمعية التطوع والمساهمة عن طريق المتطوعين وتقبل التبرعات من المتبرعين ،ولا يحتكر مجال الجمعية علي الكوارث فقط،حيث ان الجمعية تقوم بعمل مشاريع صغيرة للأسر الاكثر احتياجا لدعمهم في مواجهة الفقر وظروف المعيشة الصعبة.

العنوان : شارع نقطة الشرطة بمدينة الأربعين امام المركز الطبي أول أسيوط
ارقام التواصل: 0882332094  (للأتصال من الهاتف الارضي قم بأزالة 088 )
يمكن التطوع بالجمعية؟: نعم



أشهر الجمعيات الخيرية بأسيوط

دي تعتبر أشهر الجمعيات الخيرية النشطة في اسيوط والي ليها سمعه في مراكز ونطاق محافظة أسيوط كلها ،وان شاء الله لو عرفنا اماكن تانية هنحدث المقالة دي :
  1. جمعية شباب صناع الحياة أسيوط
  2. جمعية رسالة أسيوط
  3. جمعية مصر الخير بأسيوط
  4. جمعية الاورمان أسيوط
  5. جمعية مشكاة نور اسيوط
  6. جمعية الجيل المنتج اسيوط
  7. جمعية الهلال الاحمر المصري باسيوط


آخيرا

دي كانت اشهر جمعيات خيرية في اسيوط بتقدم اعانات وتقدروا تتطوعوا فيها،علشان تكون المقالة شافية ووافية لأننا يهمنا الاجابة علي جميع اسألتكم واستفساراتكم وعلشان نسهل عليكم البحث زي ما عملنا قبل كدا قوائم في مجالات تانية زي أرخص مكتبات بيع الكتب في اسيوط وكمان قائمة بـ جميع مطاعم شارع الجمهورية .





تعليقات
ليست هناك تعليقات
إرسال تعليق
    - اعلان -


    تبديل الكتب في اسيوط

    للأعلان في نفس المساحة اضغط هنا

    - اعلان -


    تبديل الكتب في اسيوط

    للأعلان في نفس المساحة اضغط هنا




    وضع القراءة :
    حجم الخط
    +
    16
    -
    تباعد السطور
    +
    2
    -