أحدث منيو وارقام ديليفري مطعم بازوكا Bazooka أسيوط 2023

عاوز تذاكر في هدوء ونفسك في وركسبيس في اسيوط هادية ومميزة تساعدك تنجز عملك او مذاكرتك بشكل سريع في القائمة دي وزي ماعودناكم في مقالات تانية هنغطي لكم أشهر مساحات العمل المشتركة في اسيوط بشكل حيادي وتام

اماكن للمذاكرة والوركسبيس في اسيوط

لو انت طالب ومغترب كتبنالك اهم المكتبات لبيع الكتب والروايات في اسيوط اوممكن تشوف اشهر 7 مطاعم في شارع الجمهورية 

طبعا وكالعادة لو انت طالب المذاكرة فالبيت هتأدي لتسويف كتير بيخليك مشتت ومش عارف تذاكر ولا تعمل اية في فترة الدراسة او لو انت مصمم جرافيك ومبرمج او فريلانسر كبير كد الدنيا وزهقت من الشغل فالبيت واحساسك بان انتاجيتك قلت فالحل في المقالة دي

بنقدمك اشهر مساحات العمل المشتركة في اسيوط وكافة التفاصيل من مواعيد العمل للعناوين والاسعار وتغطية كاملة لكافة التفاصيل.

 

لو متعرفش اية هوا الوركسبيس !

هو عبارة عن مكان هادي متوفر فية مكاتب وغرف مجهزة تجهيز كامل من مكاتب وواي فاي وكاترينج وبيتأجر بالساعة او بنظام العضويات علشان تقدر تركز اكتر في المذاكرة او شغلك ،والموضوع منتشر علي مستوي الجمهورية في مصر والدول العربية وتقدر تتصفح مساحات العمل والوركسبيس في مصر عن طريق موقع وركسبيسو 

أفضل اماكن للمذاكرة والوركسبيس في اسيوط

1. هبسي ورك سبيس - Hubsy coworking spaces
2. كايزن اسيوط - kaizen workspace assiut
3. ستيب أسيوط - step workspace assiut
4. هاوس اسيوط - house coworking space assiut
5. Nook Workspace - نوك ورك سبيس اسيوط
6. share yard - شير يارد اسيوط 

أشهر مساحات العمل المشتركة في اسيوط

1.هبسي ورك سبيس - Hubsy coworking spaces

اماكن للمذاكرة والوركسبيس في اسيوط - هبزي ورك سبيس

من الاماكن الي افتتحت قريب وبصراحة مكان ممتاز وفي منطقة هادية جدا المكان واسع والتهوية فيه جميلة ومتوفر عندهم واي فاي وغرف اجتماعات وغرف تدريب وبروجيكتور عرض بالاضافة لغرفة لطلبة هندسة متوفر فيها ستاندات الرسم ومننساش غرفة الـ quit area لو عاوز تذاكر وانت مركز جداا وكمان هتلقي عندهم بوفية لو حابب تاكل اتشرب حاجة 

العنوان : فيلا ٢٣ شارع جلال الدسوقى متفرع من شارع المحافظة بجوار توكيل العربى - اعلى مركز تيجان للاسنان ( الخريطة )

(ادي ظهرك لمبن المحافظة وانزل علطول فشارع اوله يافطة زرقا باسم شارع جلال الدين الدسوقي )

مواعيد العمل : من الساعة 12 الظهر وحتي 2 الليل 

التواصل: 01011144881

2. كايزن اسيوط - kaizen workspace assiut

اماكن للمذاكرة والوركسبيس في اسيوط - كايزن وركسبيس اسيوط

المكان دا يعتبر من الاماكن المميزة والقريبة من الجامعة  والي فنطاق فريال المكان لفترة من الوقت كان بيقدم ورش ودورات تعليمية مهمة في مجالات مختلفة من الجرافيك ديزاين والاتش ار وغيرها ومتوفر عندهم كاترينج وبوفية لو حابب تاكل او تشرب حاجة ومتوفر عندهم بالتاكيد واي فاي في حين كنت عاوز تغير جو بعد المذاكرة وتفتح نت او بتذاكر علي اليوتيوب المكان مميز ومتوفر فية غرف تدريبات وكورسات وغيرها من خدمات الوركسبيس الرئيسية.

العنوان : فريال شارع العادلي بجوار باب دخول مركز بنون

للتواصل مع الوركسبيس :01067871521 - 0882058781

3.ستيب أسيوط - step workspace assiut 

اماكن للمذاكرة والوركسبيس في اسيوط - ستيب وركسبيس اسيوط

طبعا لو كنت في نطاق المحافظة او شارع الجمهورية او النميس فالوركسبيس دا اقرب حاجة ليك دا بالاضافة لانه بجوار هبسي ورك سبيس الي ذكرناه فوق بكام خطوة كدا ،ستيب دايما بيسبونسر الايفنتس واشهر من نار علي علم في الحتة دي روحنا زيارة للمكان سريعه بدون ما نعرف نفسنا الريسبشنست زوق والمكان هادي تماما ومنعزل عن الضوضاء الخارجية علشان تعرف تركز ف شغلك او مذاكرتك ومتوفر في المكان  بكل تأكيد واي فاي وكاترينج وطابعة لو حابب تطبع اي اوراق بالاضافة لغرف الاجتماعات وغرف التدريبات وبين باجز ومكتبة لمحبي القراءة وغيرها.

الورك سبيس بيقدم باقات مختلفة بتناسب جميع التخصاصات سواء كنت طالب او فريلانس او مدرب

العنوان : فيلا 17 ش الشهيد جلال الدين الدسوقي الممتد من ش مصنع الكوكاكولا القديم بالجمهورية .. أمام الباب الخلفي لمدرسة بدر اللغات

للتواصل مع الوركسبيس :0882142398 - 01099944961

4. هاوس اسيوط - house coworking space assiut

اماكن للمذاكرة والوركسبيس في اسيوط  - هاوس وركسبيس اسيوط

الورك سبيس دا كان عبارة عن قصر عتيق غير مستخدم لحد ما جه مجموعة من الشباب حولوه لوركسبيس لاستخدامة في شئ نافع وبعد التجديدات والتطويرات بقي من اشهر مساحات العمل المشتركة في اسيوط وكمان عندهم مساحات مفتوحة للناس الي بتتخنق من المساحات المغلقة 

العنوان : شارع احمد شوقي - المتفرع من شارع يُسري راغب ... الشارع اوله صيدلية مايكل و ماريان بمنتصف الشارع

للتواصل مع الوركسبيس : 01091644533

5. نوك nook وركسبيس (مجتمع نوك) اسيوط

اماكن للمذاكرة والوركسبيس في اسيوط - وركسبيس نوك اسيوط

وركسبيس نوك اسمة غريب لكن بيعملوا عظمة ،الوركسبيس دي متنوعين بشكل كبير في خدمات  مساحات العمل المشتركة وماشاء الله من متابعة صفحتهم علي فيسبوك بيقدموا كورسات وسيشنات كل فترة دا بالاضافة لخدمات الوركسبيس المتنوعة عندهم والي هتتيح ليك تجربة مذاكرة وعمل فريدة وبانتاجية اعلي

العنوان : فريال بجوار نفق الزهراء امام كافيه خان الخليلي

للتواصل مع الوركسبيس :01224878373

6. share yard - شير يارد اسيوط 

اماكن للمذاكرة والوركسبيس في اسيوط - شيريارد اسيوط

شير يارد طبعا ورك سبيس غني عن التعريف وبيكون في محيط جامعة الازهر وشارع اسماء الله الحسني ،من اشهر وافضل مساحات العمل المشتركة الي فاسيوط ،بيحتوي الوركسبيس علي منطقة واسعة للمزاكرة ولأداء أعمالك في هدوء تام كمان الوركسبيس بيوفر انترنت في المكان يعني وقت ماتحتاج تفصل من المذاكرة هتلقي النت معاك ،بس اهم حاجة تركز فمذاكرتك وتبطل دلع وسيبك من النت هااا ،المهم كمان هتلقي في الوركسبيس مكان اسمة السيلنت روم ودي غرفة مقفولة بيكون بين كل حد وحد عازل ومع نفسة،بالاضافة لقاعة دورات تدريبية وكورسات.

العنوان :تقسيم الحقوقيين - بجوار مطعم أرابياتا - أعلى معمل البرج 

للتواصل مع الوركسبيس : 01011117135

اخيرا في المقالة فوق غطينا اغلب مساحات العمل المشتركة في اسيوط بالاضافة لعناوين ومميزات كل وركسبيس في اسيوط وكمان لو تعرف co-working space في اسيوط بلغنا بية وهنضيفة للقائمة فوق ومتنساش تبص بصة علي أرخص وأشهر 6 مكتبات لبيع الكتب والروايات فاسيوط وكمان لو حابب تستغل وقتك وتعمل خير شوف قائمة بأشهر الجمعيات الخيرية بأسيوط 2023 [دليل الجمعيات الخيرية باسيوط] ونتمني اننا نكون ساعدناك بالقدر المستطاع.

تعديل المقال