- اعلان -
تبديل الكتب في اسيوط

للأعلان في نفس المساحة اضغط هنا

قد تعجبك

اشهر وافضل مطاعم الكشري في اسيوط [الاسعار + ارقام الديليفري + العناوين ] - دليل مطاعم اسيوط

بتدور علي اشهر محلات الكشري في اسيوط ؟ فالمقالة دي بنغطي اغلب المحلات ومطاعم الكشري فاسيوط بشفافية تامة وبكافة التفاصيل علشان نريحك من البحث واللف الطويل وكمان هنرفق المنيوهات وارقام الديليفري والعناوين

مطاعم-كشري-في-اسيوط
مطاعم-كشري-في-اسيوط



طلبت معاكم كشري فالشغل ولا فالبيت وحابب تمزز وسألت نفسك عن افضل محلات الكشري في اسيوط ؟ متقلقش احنا في دليل اسيوط بتهمنا اسألتكم وزي ما جاوبناكم علي اشهر مطاعم شارع الجمهورية ،في المقالة دي هنعرض عليكم اشهر وافضل مطاعم الكشري في محافظة اسيوط 

خلي بالك الي يعجبك ممكن ميعجبنيش والعكس ،ولولا اختلاف الاذواق لبارت السلع،وفي المقالة مش بنفضل مطعم عن التاني والترتيب عشوائي 


تحذير وتنبية هام: لو ابنك او بنتك مصابة بانيميا الفول او التفول او g6pd ياريت تبعده عن الكشري لو روحتوا محل كشري واطلب طاجن او اعملوا كشري فالبيت،وسبب التحذير ان للأسف بتوع الكشري وهما بيحطوا الحمص والعدس علي الكشري مش بياخد باله ان في بعض العدس فالكبشة الي بيحط بيها وبتنزل برضو فطبق الكشري ،،ودا لا قدر الله ممكن ينشط عملية التكسير فالدم بسبب ان مناعة الاطفال ضعيفة وربنا يحفظ اولادكم جميعا


محلات كشري في اسيوط

طبعا ناس كتيير بتكون معاهم صحابهم ومقضينها لف فاسيوط طول اليوم ودايما بينهوا رحلتهم ف مطعم كشري ودا علشان اسعارها الاقتصادية والي في متناول الجميع وعلشان الحلويات وعلشان يسدوا جوع وفرهدة اللف طول اليوم 😉

علشان كدا احنا في دليل اسيوط ودليل مطاعم اسيوط بنسهلها عليكم وجمعنالكم قائمة مطاعم الكشري في اسيوط ولو نفسك مش جايباك علي الكشري وجايباك علي اكلات تانية ،شوف قائمة مطاعم الكريب في اسيوط او مطاعم الكبدة والسجق فاسيوط


مطاعم الكشري في اسيوط

1. كشري الحمصاني اسيوط

كشرى الحمصانى اسيوط - رقم كشرى الحمصانى اسيوط
كشرى الحمصانى اسيوط - رقم كشرى الحمصانى اسيوط

الحمصاني علم من اعلام محلات الكشري فاسيوط اسأل اي مغترب مين هوا هيقولك زكرايات وحكايات فيها علشان هوا قريب من المحطة واغلب الي بيدور علي مطاعم قريبة من محطة اسيوط بيلقاه فوشة والمحل مقسوم لجزئين بسبب التوسعات والطلب علية،الجزء الاول ودا فية الكاشير والمطعم والجزء التاني في الهوا برا ودا مكان فوشة ملحق بعمارة تانية ،هتلقي عندة كشري حمصاني قنبلة وكشري مسدس كبير وكشري الجمبو وكمان احلي طواجن مكرونة وفراخ وتقدر تطلب اي زيادات زي بصل او الصلصة والعدس ومتنساش تحلي 

منيو كشري الحمصاني اسيوط
  • كشري حمصاني قنبلة بسعر 25 جنية
  • كشري حمصاني جمبو بسعر 20 جنية
  • كشري مسدس كبير بسعر 15  جنية
  • طاجن مكرونة فراخ بسعر 17  جنية
  • طاجن مكرونة لحمة وكبدة بسعر 15-20  جنية
  • طلب زيادات بسعر 3 جنية وتختلف حسب الزيادة
عنوان كشري الحمصاني : اسيوط - شارع ثابت كشري الحمصاني
رقم كشري الحمصاني اسيوط : 01023749777 - 0882340022 



2. كشري الميدان اسيوط

كشري الميدان اسيوط - رقم كشري الميدان اسيوط - كشري الميدان اسيوط منيو
كشري الميدان اسيوط - رقم كشري الميدان اسيوط - كشري الميدان اسيوط منيو

طبعا طبعا لا يخفي علي اغلب الطلبة مطعم كشري الميدان اسيوط لانه الملجأ والملاذ الامن بعد لف الجامعة واثناء الخروجة ،الراعي الرسمي للتجمعات وطلبة الجامعة ،المطعم اكتسب شهرة كبيرة بسبب قربة من جامعة اسيوط واسعارة الاقتصادية والمنيو بتاعة المتنوع هتلقوا عندهم حوواشي وسندويتشات كبدة وبيتزا واكيد طواجن وكشري يرم العضم ويفرح النفس

منيو كشري الميدان اسيوط
كشري:علبة الميدان 12 جنية - علبة ستار الميدان 15 جنية - علبة ميجا الميدان 20 جنية - طواجن: طاجن لحمة بلدي 25 جنية - طاجم فراخ 20 جنية  - طاجن كبدة 15 جنية
ساندويتشات: كبدة فينو 7  جنية -  كبدة شامي 10 جنية -  حوواشي: اسكندراني لحمة بلدي 35  جنية -  فراخ موتزريلا 35  جنية -  بيتزا: مارجريتا 30  جنية -  بيتزا خضراوات 30  جنية -  بيتزا لحمة 40 جنية

كشري الميدان اسيوط سيتي : اسيوط - اخر شارع سيتي (ميدان سيتي الاول )
رقم ودليفري كشري الميدان اسيوط : 0882333374 - 01017666080


3. كشري ابو حنفي اسيوط

كشري ابوحنفي اسيوط - رقم كشري ابو حنفي اسيوط
كشري ابوحنفي اسيوط - رقم كشري ابو حنفي اسيوط

اي مغترب في جامعه الازهر نواحي الوليدية اكيد عارف المكان دا لان بعد كل خروجه للكلية في جامعه الازهر اكيد لازم اليوم بيختم بيه ،وبعده بتاع العصير الي جمبه مباشرتا ، يعتبر كشري ابو حنفي اسيوط من اشهر واول مطاعم الشارع هناك علشان فتح من زمان قوي وحاليا ضافوا اصناف كتير غير الكشري ،وعندهم كبده عظيمة جدااا لازم تجربوها

منيو ابو حنفي اسيوط
  • كشري العائلي بسعر 25 جنية
  • كشري جمبو بسعر 20 جنية 
  • كشري سوبر بسعر 17 جنية 
  • كشري ابو حنفي بسعر 15 جنية 
  • كمالة السفرة بسعر 12 جنية
  • كشري سبيشيال بسعر 9 جنية
  • مكرونة فراخ الصغيرة بسعر 18 جنية والوسط بسعر 23 والكبير ب 30 جنيةد
  • مكرونة كبدة الوسط بسعر 18 جنية 
  • ساندويتش الكبدة بسعر 6 جنية 
  • ساندويتتش السجق بسعر 7 جنية 

عنوان كشري ابو حنفي  :  فرع ميدان أسماء الله الحسنى - أسيوط
رقم كشري ابوحنفي اسيوط : 01000882561 - 01118026060



4. كشري المجنون اسيوط

كشري المجنون اسيوط - منيو كشري المجنون اسيوط
كشري المجنون اسيوط - منيو كشري المجنون اسيوط


بما اننا ذكرنا ابو حنفي فوق مينفعش منذكرش كشري المجنون،اسم علي مسمي المنيو بتاعهم مليااان اكلات وحجاات كتير اية كريباات واشي مكرونات وباستا وكشري وبيتزا واصناف وتشكيلات كتيرة بصراحة ،وكمان بيوفروا خدمة الديليفري لحد باب السكن ،ولو عاوز تحلي مش مشكلة برضو في ركن للتحليه فالمنيو

منيو كشري المجنون اسيوط
  • كشري توب بسعر 7 جنية 
  • كشري لارج بسعر 10 جنية 
  • كشري المجنون بسعر 12 جنية 
  • كشري ميجا المجنون بسعر 15 جنية 
  • كشري جامبو المجنون بسعر 17 جنية 
  • كشري قنبلة المجنون بسعر 20 جنية 
  • كشري كبدة  بسعر 15 جنية 
  • كشري سجق بسعر 15 جنية 
  • كشري لحمة بسعر 15 جنية 
  • كشري فراخ بسعر 16 جنية

عنوان كشري المجنون  : ميدان الازهر اسفل مركز السلام الجديد امام نادي هارون الرشيد
رقم كشري المجنون اسيوط : 01096761006 - 01203161319


5. كشري الهنا اسيوط

كشري الهنا اسيوط - رقم كشري الهناء السيوط
كشري الهنا اسيوط - رقم كشري الهناء السيوط

لو انت في نطاق المحطة او نواحي مطعم الناحل فانت كدايعتبر قريب منه ،المطعم بيقدم الكشري والطواجن فقط وعندك الكشري حوالي 6 احجام يعني هتاكل وتشبع وكمان ممكن تزود طلبات علي الاوردر بتاعك زي لحمة او كبده او فراخ ،بصراحة انا مكنتش اعرف المطعم دا بس سمعت عنه من كذا صديق ليا وبيشكروا فيه ،فان شاء الله يجي وقت ونجربة 

منيو كشري الهنا اسيوط
  • كشري عادي بسعر 8 جنية 
  • كشري سوبر بسعر 10 جنية 
  • كشري سوبر لوكس بسعر12 جنية 
  • كشري الهناء بسعر 15 جنية 
  • كشري الجمبو بسعر 20 جنية 
  • كشري جمبو الهناء بسعر 25 جنية 
  • طاجن كبدة بسعر 13 جنية 
  • طاجن لحمة بسعر 13 جنية 
  • طاجن فراخ بسعر 18 جنية

عنوان كشري الهنا  : اسيوط حي السادات امام موقف الاربعين
رقم كشري الهنا اسيوط : 01007008248



الخلاصة

في المقالة دي غطينا جميع المطاعم الخاصة بالكشري فاسيوط بناءا علي اسألتكم وكمان في مقالات تانية قادمة في مجالات اخري حابين نعرف تجربتك في اي من المطاعم دي علشان تفيد غيرك بتجربتك بشفافية .

افضل مطاعم كشري في أسيوط

  • كشري الحمصاني أسيوط 
  • كشري الميدان اسيوط
  • كشري ابو حنفي اسيوط
  • كشري المجنون اسيوط
  • كشري الهنا اسيوط







تعليقات
ليست هناك تعليقات
إرسال تعليق
    - اعلان -


    تبديل الكتب في اسيوط

    للأعلان في نفس المساحة اضغط هنا

    - اعلان -


    تبديل الكتب في اسيوط

    للأعلان في نفس المساحة اضغط هنا




    وضع القراءة :
    حجم الخط
    +
    16
    -
    تباعد السطور
    +
    2
    -