- اعلان -
تبديل الكتب في اسيوط

للأعلان في نفس المساحة اضغط هنا

قد تعجبك

أرخص وأشهر 6 مكتبات لبيع الكتب والروايات فاسيوط

مكتبات بيع كتب فى أسيوط،لو كنت بتحب تقرا الكتب والروايات الورقية وتفضله عن الالكترونية زيي بالظبط ،في المقالة دي هنعرض علي حضراتكم جميع تفاصيل وعناوين المكتبات المتخصصة ببيع الكتب والروايات الورقية في أسيوط وكمان نظام الاستعارة والتقسيط لو متاح


ملحوظة هامة 1: المكتبات المذكورة في هذة المقالة خاصة بمحبي القراءة عامة وقراء الروايات ولا يقصد بها مكتبات بيع الأدوات كمكتبات سمير وعلي واشهر مكتبات الجامعة

في الوقت اللي الكتب الرقمية (الالكترونية ) طغت فيه على الكتب الورقية ،هنلاقي مجموعة من العضماء الي لا يعرفوا يقروا ولا بيستمتعوا بالقراءة من غير ما يلمسوا الورق ولا يشموا عبق ومتنفس الورق وعظمته ،الموضوع بيفرق جامد مع الناس الي بتقرا من فترة كبيرة ولم ولن يعترفوا بالكتب والروايات الالكترونية الا في حالة واحدة فقط انهم يكونوا بيدوروا على معلومة تساعدهم في حل مشكلة ما ،دي الحالة الوحيدة اللي تخليهم ميركزوش ان كانت ورقي ولا ديجيتال ولا محفورة على حوائط المعابد حتى 😂.


مكتبات بيع الكتب والروايات في اسيوط
مكتبات بيع الكتب والروايات في اسيوط


 قوائم اخري  :افضل 4 مطاعم كبدة وسجق في اسيوط
 قوائم اخري  :اشهر 7 مطاعم أسيوط شارع الجمهورية لازم تجربهم

ملاحظات مهمة عند زيارة مكتبات بيع الكتب الروايات فاسيوط

1.حدد انت محتاج كتاب ايه بالظبط قبل زيارة المكتبة علشان متتشتتش وانت بتشتري أو الميزانية تسحب منك 

2.اتواصل مع المكتبات قبل زيارتهم علشان متضربش مشوار عالفاضي عالمكتبة الا لو عاوز تزورها وعلشان تعرف الاسعار برضوا 

3.شوف تقييم الكتاب اللي محتاجة لانك ممكن تلقي بدائل أفضل عنها وسمعتها كويسه جدا عن الكتاب اللي هتشتريه (تقدر تشوف تقييم وتعليقات الكتب والروايات عن طريق تطبيق أو موقع good reads او جروب عصير الكتب)

4.ظبط ميزانيتك من الفلوس وحدد (انا عايز اصرف كذا عالكتب) لانك اول ما هتدخل المكتبة كانك داخل مغارة علي بابا وتحس كده ان اصحاب المكتبات بيرشوا عطور تزود غريزة شراء واقتناء الكتب 

5.اعمل قائمة بالكتب والروايات اللي عاوز تشتريها علشان لو ملقيتش الكتاب المعين تجيب البديل او احدى الكتب والروايات الي موجودة في القائمة 

6.اتاكد من صفحات الفيسبوك الخاصة بالمكتبات عن أي عروض وخصومات علشان تستفاد بيها ،اغلب المكتبات بتقدم عروض



مكتبات بيع كتب فى أسيوط

في المقالة دي سيتم ذكر وعرض تفاصيل جميع المكتبات الموجودة في اسيوط من عناوين وارقام تواصل وارقام واتساب ان وجد بالاضافة لطرق التقسيط ،ونظام الاستعارة للكتب ان وجد ودا لان اغلب المكتبات حاليا المدارة بواسطة شباب وفروا انظمة وخدمات علشان تساعد الشباب والطلاب في اقتناء الكتب بالتقسيط المريح (من الممكن اني اكون نسيت ذكر مكان ،من فضلك اكتبلنا المكان الي نسيناه في التعليقات وشكرا مقدما)


*ملحوظة هامة 2: يتم عرض القائمة بشكل عشوائي ومفيش امكانية لتفضيل مكان علي التاني الهدف ليس الترتيب انما العرض



1.مكتبة ومضة أسيوط

مكتبات بيع الكتب والروايات اسيوط - مكتبات اسيوط - كتب اسيوط


مكتبة غنية عن التعريف واغلب الشباب وطلاب الجامعات يعرفوها بسبب عروضها الي بتعملها كل فترة ،تم تأسيس مكتبة ومضة اسيوط عام 2012 وتعتبر من اكبر مكتبات الصعيد ،المكتبة بتوفر كتب اصلية من دور النشر الرسمية ،بيتوفر فالمكتبة اماكن للقراءة الحرة بالاضافة لوركسبيس ومضة ومكتبة خاصة بالاستعارة وكل فترة بيعملوا ندوات وعروض علي كتب (الازبكية) كتب قديمه للبيع أسيوط وحجات جامدة كتير انصحك تتابع الصفحة

خدمات المكتبة :توصيل الكتب لباب البيت - وركسبيس للمذاكرة 
عنوان المكتبة :اسيوط - شارع الهلالي - برج التطبيقين اسفل كوبري الهلالي بجوار تلاجة الحرمين
فيسبوك المكتبة:fb.com/wamda.bookstore
مواعيد عمل المكتبة : من الـ 10 صباحا وحتي الـ 10 مساء
رقم التواصل بالمكتبة :01016905418 (اضغط علي الرقم مباشرتا)
نظام الاستعارة :غير معروف
نظام التقسيط :غير معروف



2.مكتبة كتب الشارع او الشارع بوك ستور اسيوط

مكتبات بيع الكتب والروايات اسيوط - مكتبات اسيوط - كتب اسيوط


من احسن وارخص وافضل الاماكن الي بحب اشتري من عندهم صراحه ،عروضهم كتير جدااا فلازم تتابعوا صفحتهم علي فيسبوك، نشاط المكتبة الأساسي هو بيع الكتب والروايات " عربي..إنجلش..مترجم..كتب صفحة وصفحة "، بالاضافة لانهم بيبيعوا نوت بوك مختلفة الاحجام والمقاسات والاشكال كمان ،المكتبة متوفر فيها نظام (الاستعارة - والتبديل - وكمان التقسيط) وعندهم خدمة التوصيل لحد الباب

تنبية هام: تم تحويل المكتبة لبوك كافية يعني دلوقتي تقدر تروح وتطلب مشروبات وتستمع بالقراية وكمان تذاكر لو حابب (تم تحديث البيانات بالاسفل)

خدمات المكتبة :تبديل الكتب - تقسيط الكتب - استعارة الكتب - توصيل الكتب لباب البيت - بيع الهدايا كالنوت بوك وغيرها
عنوان المكتبة :شارع الروضة المتفرع من شارع محمد علي مكارم أمام مطعم سلطانة.. أسيوط  (الخريطة اضغط هنا)
فيسبوك المكتبة:fb.com/kotopelshare3
مواعيد عمل المكتبة :من الـ 9 صباحا وحتي الـ 2 مساء ماعدا الجمعة
رقم التواصل بالمكتبة :01091610615 - 01148941436

نظام الاستعارة :
هما مقسمين الكتب لـ 3 فئات (فئات كتب سعرها : 25 جنية  - وكتب من 30 ل 45 جنية - وكتب من 50 فاعلي)

 الكتب التي يصل سعرها حتي 25ج : تكون تكلفة استعارتها 5ج وتأمين 20 ج لمدة خمسة أيام
 الكتب من 30 وحتي 45ج: تكون تكلفة استعارتها 10ج وتأمين 25ج لمدة سبعة أيام
الكتب من 50 فيما أعلي : تكون تكلفة استعارتها 15ج وتأمين 35ج لمدة عشرة أيام

والنظام الشهري :
لو أنت عاوز تعمل نظام شهري ف حضرتك هتسيب 100ج تأمين ثابت علي مدار الشهر وتدفع 50ج تكلفة وليك لحد عشر مرات استعارة علي مدار الشهر، وكمان تقدر تدفع 100ج وتستعير عدد مرات غير محدد 

المطلوب : اسمك ورقم تليفونك فقط

نظام التقسيط :
لو مشترياتك من ٤٠٠ج لفوق وعاوز تقسطها المكتبة بتتيح دا دلوقتي " هيتم الاتفاق علي المدة وكيفية التحصيل "

نظام التبديل :
لو معاك كتب وروايات كويسة حالتها تقدر تبدلها بسهولة في المكتبة مع العلم " لازم المكتبة توافق علي الكتب اللي هيتم استبدالها " 

لو هتبدل بكتب من عندهم سعرها من 15ج لحد 50ج هتدفع نص سعر الكتاب في التبديل 
ولو هتبدل بكتب سعرها اعلي من 50ج  فهتدفع تلتين سعر الكتاب.


3.مكتبة الكتاب لغاية الباب اسيوط

مكتبات بيع الكتب والروايات اسيوط - مكتبات اسيوط - كتب اسيوط


المكتبة دي مرنه جداا في نظام التعامل معاها ،فكرة المكتبة بدأت بشكل اساسي عن طريق التوصيل وبعدين مع الوقت اتطور لانهم يفتحوا مكان الناس توصل لهم عن طريقة ،المكتبة في كتب كتيرر جدااا متنوعة مابين روايات فانتازيا وكتب تسويق وتطوير مهارات وغيرها كتير ، ومتوفر فيها نظام الاستعارة - والتبديل - ةالتقسيط وكمان نظام مالك الكتاب (بتسيب كتابك وروايتك وكل ما يتم عمل استعارة بيرجع ليك عائد منه )

خدمات المكتبة :تبديل الكتب - تقسيط الكتب - استعارة الكتب - توصيل الكتب لباب البيت
عنوان المكتبة :22 شارع محمود رشوان بجوار مستشفى الحياه امام معرض كراكيب بشركة فريال بمحافظة اسيوط. 
فيسبوك المكتبة:fb.com/booktodoor
مواعيد عمل المكتبة :من الـ 1 ظهرا وحتي الـ 11 مساء ماعدا الجمعة
رقم التواصل بالمكتبة : 01274936628 - 01204898309 (تليفون وواتس فقط) - 01097730329 (تليفون فقط)

نظام الاستعارة :
هما مقسمين نظام استعارة الكتب لـ 4 فئات ( كتب سعرها مابين 10 لـ 20 - وكتب 25 لـ 40 - وكتب 45 لـ 80 - وكتب 85 لـ 125 - وكتب 125 فاعلي )

  • الكتب اللى سعرها من 10 جنية الى 20 جنية ثمن استعارتها:  5 جنية 
  • الكتب اللى سعرها من 25 جنية الى 40 جنية ثمن استعارتها:  10 جنية 
  • الكتب اللى سعرها من 45 الى 80 ثمن استعارتها:  15 جنية 
  • الكتب اللى سعرها من 85 الي 125 ثمن استعارتها:  20 جنية 
  • الكتب اللي سعرها من 125 الي اعلي ثمن استعارتها:  25 جنية 

ملحوظة1: لو خلصت الكتاب فى اول اسبوع بتختار واحد تانى هدية بتخلصه فى اسبوع فقط. 
ملحوظة2 : أى تأخير فى تسليم الكتاب المستعار او الهدية بتدفع غرامة 5 جنية و مدة اى اسبوع زياده الأسبوع الواحد برضو بـ 5 جنية 
ملحوظة3 : يتم فرض مبلغ تأمين و بيكون نص ثمن شراء الكتاب و يسترد التأمين في حالة رجوع الكتاب في معاده و بصحته الاصلية للمكتبة


نظام التقسيط :
علشان تقدر تقسط مع مكتبة الكتاب لغاية الباب اسيوط لازم تكون مشترياتك وصلت لـ 200 جنية او اكتر

اقل مده للسداد 3 شهور و اكبر مده 11 شهر 
مثلا لو حضرتك اخترت كتب ب 200 جنيه ع 3 شهور 
بعد الفايده المبلغ هيبقي ب 220 جنية 
في الاول حضرتك بتدفع مقدم ربع القيمه الاجمالية و تقريبا هيبقي 60 يا فندم
و القسط الشهري بيكون ف حدود ال 50 و ال 70 كل شهر 
و ف اخر المدة حضرتك بينزل ف حسابك هدية قيمة مادية متمثلة ف كتب 
و القيمة دي بتبقي متغيرة ع احساب اختلاف مده القسط
الحلو في الهدية انها مستمرة لمدة شهرين من تاريخ نهاية اخر قسط يعني ممكن تيجي ف اي وقت خلال الشهرين تستخدم الهدية بتاعت حضرتك

الجدول ده فيه امثلة لشرايح التقسيط كلها و ممكن كمان لو حضرتك واجهتك صعوبة في فهم النظام ممكن


نظام مالك الكتاب:
فى المكتبة تقدر تفيد غيرك بكتبك وتستفيد انت كمان 😉😊 ودا لانه تقدر تسيب كتبك فى المكتبة كاستعارة او شراء 

فى حالة لو سبتها للاستعارة فبيجيلك من كل كتاب "ربع مبلغ" الاستعارة
اما فى حالة الشرا فبيجيلك " ¾ المبلغ" ودا لانك المالك للكتاب 😌☝

و نسبتك فى الكتب بتقدر تاخدها فى 3 صور مختلفة بعد بيع الكتب على حسب اختيارك :-
  1. كاش 
  2. تخفيض ع كتاب جديد 
  3. استعاره بنفس القيمة 

4.مكتبة دار المعارف اسيوط

مكتبات بيع الكتب والروايات اسيوط - مكتبات اسيوط - كتب اسيوط


مكتبة غنية عن التعريف طبعا،لو بتدور علي كتب اطفال وقصص بالاضافة للمزيد من الكتب الثقافية الاخري دار المعارف هتكون وجهتك الاولي ،للعلم ولو متذكر سلسلة المغامرون الخمسة "لوزة  نوسة - وتختخ وعاطف ومحب " كانت من ضمن اصدارات الدار والمكتبة 

في اسيوط في مكتبتين للدار واحدة للناشرين والتانية للقراء ،الخاصة بالناشرين موجودة قريب من ميدان البنوك قرب المحطة
والخاصة بالقراء موجودة عند المنفذ او اشارة شارع يسري راغب

خدمات المكتبة :بيع الكتب - معارض كتب
عنوان المكتبة : 7 شارع جلال الدين السيوطي بجوار صيدناوي و ريموندس لملابس الاطفال وسط البلد (بالقرب من المنفذ)
فيسبوك المكتبة:غير متوفر 
مواعيد عمل المكتبة :غير معروف
رقم التواصل بالمكتبة :0882334504 (للأتصال من التليفون الارضي قم بازالة 088)01117670477
نظام الاستعارة :غير معروف
نظام التقسيط :غير معروف


5.مكتبة الهيئة العامة المصرية للكتاب باسيوط

من المكتبات المصرية ذات الاثر والي بدأت سنه 52 لزيادة الوعي والثقافة في المجتمع المصري فروعها منتشره في محافظات كتير ومنهم محافظة اسيوط ،المقر الرئيسي موجود فالقاهرة والفرعي الخاص باسيوط في شارع الجمهورية 

خدمات المكتبة :بيع الكتب
عنوان المكتبة :60 ش الجمهورية امام (مطعم ام حسن اسيوط) - أسيوط.
فيسبوك المكتبة:غير متوفر
مواعيد عمل المكتبة :من الـ 9 صباحا وحتي الـ 4 عصرا ماعدا الجمعة
رقم التواصل بالمكتبة :غير متوفر
نظام الاستعارة :غير معروف
نظام التقسيط :غير معروف


6.فرش كتب وروايات سيد

شخص اسمه سيد موجود عند المنفذ ،هتلقي عنده روايات وكتب مختلفه في جميع المجالات وكمان اشهر الروايات الي بتنزل اول باول جودة الكتب كويسة والاسعار حنينة ،ولو محتاج كتاب معين بتتفق معاه وهوا بيديك معاد وبيجيبة لك او بيشوف اذا كان متوفر فالمخزن بتاعة ولا لا


عنوانة : عند المنفذ بعد منافذ البيع اتجاة مسجد ناصر
مواعيد العمل : بيفتح بعد الظهر تقريبا






ملخص المقال لاشهر مكتبات بيع الكتب في اسيوط
دي اغلب المكتبات الي بتبيع الكتب والروايات فاسيوط وان شاء الله لو عرفنا عن مكتبات تانية هنذكرها علشان نوفر عليكم عناء البحث عن المعلومة ان شاء الله .

مكتبات بيع كتب فى أسيوط

  1. مكتبة ومضة أسيوط
  2. مكتبة الشارع بوك ستور اسيوط
  3. مكتبة الكتاب لغاية الباب اسيوط
  4. مكتبة دار المعارف اسيوط
  5. مكتبة الهيئة العامة المصرية للكتاب باسيوط
  6. فرش كتب وروايات سيد

اخيرا لو تعرف اي معلومة ناقصة فوق او تعرف مكتبة مختصة بالكتب مذكرنهاش فوق ،اكتبها لنا فالتعليقات 👇👇


تعليقات
ليست هناك تعليقات
إرسال تعليق
    - اعلان -


    تبديل الكتب في اسيوط

    للأعلان في نفس المساحة اضغط هنا

    - اعلان -


    تبديل الكتب في اسيوط

    للأعلان في نفس المساحة اضغط هنا




    وضع القراءة :
    حجم الخط
    +
    16
    -
    تباعد السطور
    +
    2
    -