- اعلان -
تبديل الكتب في اسيوط

للأعلان في نفس المساحة اضغط هنا

قد تعجبك

مكتبة مصر العامة اسيوط - كل التفاصيل الي محتاجها من الالف للياء (العضوية والعناوين والتفاصيل الكاملة)

مكتبة مصر العامة فرع اسيوط في المقالة دي هنغطي كل التفاصيل الكاملة من العناوين والمواعيد ونظام العضويات والاستعارة بالاضافة لتفاصيل اكتر عن الانشطة والمزيد

مكتبة مصر العامة باسيوط - عضوية ومواعيد مكتبة مصر العامة باسيوط

مكتبة مصر العامة بأسيوط

هي اول مكتبة عامة في اسيوط وانشأت 20 ديسمبر عام 1938 وتم تجديدها وافتتاحها بشكل تجريبي من حوالي اسبوعين تقريبا يوم 3/8/2022 والافتتاح الرسمي هيكون خلال اسبوعين باذن الله وليها فرع تاني في بني عدي وجاري تجهيزها.

واحنا بنلف من فتره اخدنا بالنا منها لكن للأسف كانت مغلقة للتجديد بعدها ظهرت منشورات علي الفيسبوك ان الافتتاح التجريبي بدأ وان ممكن الاشخاص يزوروا المكتبة ويعملوا عضويات فيها 

تواصلت مع مديرة المكان ا/هاجر محروس لتغطية تفاصيل المكان والحقيقة هي شخص متعاونة جداا ووفرت لنا المصادر والتصاريح والمعلومات اللازمة بخصوص كتابة المقالة دي

المبني مكون من طابقين الطابق الاول (الارضي) خاص بالاطفال وصغار السن هتلقوا فية العاب وكتب تعليمية للأطفال وموسوعات علمية وجسم الانسان بالاضافة لبعض الكتب للكبار وكمان هتلقي موظف الاستعارة بالاضافة لموظفة تسجيل العضويات وحديقة خارجية والحمام 

الطابق التاني بيكون مخصص للكبار ودا بيكون موجود فية مكتب مدير المكتبة والادارة بالاضافة لغرفة الدورات التعليمية ورفوف الكتب 


قبل ما ابدأ المقالة رجاءا من كل القراء
  • حافظوا علي نظافة المكان لان صدقوني المكان صرح ثقافي مبهر ويستحق اننا نحافظ علية 
  • لو اخدت كتاب رجاءا رجاءا اعرف المكان الي اخدته منه وعند الانتهاء من الاستعاره او القراءة رجعة في نفس المكان علشان متتعبش غيرك انة يوصل لنفس الكتاب بسهولة
  • طبعا مش محتاج اقولك انة ممنوع الاكل والشرب والتدخين فالمكان 
  • واكيد اكيد الفون يكون صامت علشان متشتتش غيرك بالرنات المفاجأة وتخرجة من مود القراءة بسبب الاصوات المزعجة
  • لو ابنك معاك ومحتاج تقرا كتاب معين من قسم الكبار بالدور الاعلي اطلع خد الكتاب من فوق وانزل بيه تحت في حجات كتير هيستفيد بيها ابنك تحت بالاضافة لأنك مش هتزعج الي فوق

ندخل في التفاصيل بالترتيب وواحده واحدة

خدمات مكتبة مصر العامة باسيوط

المكتبة بتقدم خدمات مختلفة منها الاطلاع وقراءة الكتب والاستعارة الخارجية ودورات تدريبية للكبار(قريبا) وخدمات مكتبة الاطفال وانشطة وورش الاطفال التعليمية والترفيهية

مكتبة مصر العامة باسيوط - عضوية ومواعيد مكتبة مصر العامة باسيوط
مكتبة مصر العامة باسيوط - عضوية ومواعيد مكتبة مصر العامة باسيوط

مواعيد عمل مكتبة مصر العامة باسيوط

في الفترة الحالية المكتبة تعمل من السبت الي الخميس علي فترتين
  • فترة الصبح من 8:30 صباحا الي الساعة 3 عصرا
  • فترة المسائية من الساعة 5 مساءا وحتي الساعة 10 مساء

عنوان مكتبة مصر العامة اسيوط

المكتبة موجودة امام مستشفي المبرة بجوار المركز الثقافي الاسلامي ومدرسة دار الارقم 

لو مش عارف فين هشرحلك
لو جاي من ناحية الاشارة او ام البطل اول الجمهورية : ادخل شارع المحكمة وكمل لجوه شوية هتلقاها بعد المحكمة بشوية علي شمالك
لو جاي من ناحية النميس او النزلة او مبني المحافظة: كمل لحد ما توصل لبوابة مستشفي المبرة وكمل كمان شوية لقدام هتلقاها علي يمينك 

مكتبة مصر العامة باسيوط - عضوية ومواعيد مكتبة مصر العامة باسيوط
مكتبة مصر العامة باسيوط - عضوية ومواعيد مكتبة مصر العامة باسيوط

التواصل ورقم مكتبة مصر العامة اسيوط

دلوقتي تقدر تتواصل مع مكتبة مصر العامة باسيوط عن طريق رقم الهاتف الارضي تحت وكمان تقدر تتابع وتكون علي اطلاع بجديد المكتبة عن طريق جروبهم علي فيسبوك

رقم المكتبة : 0882060285 (لو هتتصل من تليفون ارضي شيل 088)

نظام مكتبة مصر العامة باسيوط

المكتبة متوفر فيها نظامين للدخول

نظام الزائر:
 ودا بيوفر ليك كزائر انك تدخل تطلع وتقرا الكتب الي محتاجها وتستمتع بالكم الضخم من الكتب العلمية والروايات وغيرها من الكتب 
وسعر تذكرة الدخول بـ 3 جنية  بس النظام دا مش بيتيح لك خدمة الاستعارة الخارجية 

نظام العضوية والاشتراكات بمكتبة مصر العامة اسيوط :
ودا بيتيح لك ان يكون معاك كارنية بيوفر لك مميزات كتير منها 
  • تخفيضات كبيرة علي الدورات التعليمية والورش المقدمة بواسطة المكتبة
  • امكانية استعارة الكتب خارجيا (تاخد الكتاب معاك)
  • دخول المكتبة مجانا للقراءة والاستعارة
  • العضوية بتتيح ليك الدخول في جميع فروع مكتبات مصر العامة علي مستوي الجمهورية


العضوية والاشتراك سنوي (بيتدفع مرة واحده فالسنة) ، وليس شهري علشان حصل اشكالية وفهم غلط للموضوع دا



اسعار عضوية وكارنية مكتبة مصر العامة اسيوط

  • للأطفال والنشئ من سن 3 سنين الي 8 سنين بـ 30 جنية للفرد
  • للشباب من سن 17 سنة (طلاب الجامعات) بـ 40 جنية 
  • من سن 17 سنة ولحد 60 سنة ب50 جنية
  • لمن فوق 60 سنة (معاشات) ب 30 جنية 
  • العضويات العائلية: بتاخد تخفيض 25% لجميع افراد الاسرة في حالة الاشتراك العائلي

شروط العضوية بمكتبة مصر العامة اسيوط

  • بالنسبة للأطفال من 3 لـ 8 سنين لازم يشترك الاب او الام ولازم يكونوا مع الطفل في المكتبة
  • بالنسبة للي سنهم اقل من 17 سنة لازم امضاء وتوقيع وموافقة ولي الامر علي الاشتراك (حامل بطاقة تحقيق الشخصية لا يشترط امضاء ولي الامر)
  • بالنسبة لغير المصريين المصرح ليهم بالاقامة في مصر هيدفعوا نفس المبالغ وهيقدروا يستعيروا بشرط يسدد قيمة التامين اما لو مدة الاقامة بتقل عن سنه فمش مسموح لهم الاستعاره

الاوراق المطلوبة لعمل العضوية وكارنية مكتبة مصر العامة باسيوط

  • للمواطنين والشباب صورة شخصية وصورة من بطاقة الرقم القومي 
  • للأطفال والنشئ واقل من 16 سنة صورة شهادة الميلاد + صورة الطفل وصورة بطاقة ولي الامر+ صورة شخصية له (يشترط لدخول المكتبة وجود مرافق كبير لمتابعته)
  • للأجانب صورة جواز السفر بالاضافة لصورة الإقامة لمدة عامة موضح فيها المدة والعنوان

عمل العضوية في مكتبة مصر العامة باسيوط 

  1. بتجهز الاوراق المطلوبة والمذكورة بالاعلي 
  2. بتجهز سعر الاشتراك حسب الفئة + جنية ونصف تمن الاستمارة
  3. بتدخل علي مسؤلة ملئ الاستمارات بالدور الارضي وتطلب منها عمل عضوية بالمكتبة 
  4. هتديلك استمارة تكتب فيها البيانات التالية(اسمك وعنوانك ورقم بطاقتك وعنوان العمل ورقم تلفون العمل وبريدك الالكتروني ورقم المنزل ورق تلفونك)
  5. بتمضي علي الاستمارة من ورا وتدفع الفلوس وشكرا كدا العضوية فعالة بتقدر كدا تستعير اي كتاب انت محتاجة 
ملحوظة لان الفترة دي المكتبة في مرحلة التجهيزات استلام الكرنيهات بياخد حوالي اسبوع من ما يطلع بعد اسبوع روح المكتبة خد الكرنية الخاص بيك

نظام الاستعارة وشروطها في مكتبة مصر العامة باسيوط

قبل اي شيئ علشان تقدر تستعير زي ما ذكرنا فوق لازم يكون لك عضوية او كارنية بالمكتبة تعالا بقي نعرف باقي المعلومات عن الاستعارة

نظام الاستعارة بشكل مختصر

  • مدة الاستعارة: المكتبة بتسمح للمستعير وحامل كارنية عضوية المكتبة بااستعارة الكتاب بمدة 14 يوم وقابلة للتجديد عن طريق التواصل تلفونيا علي المكتبة او بحضورة شخصيا او عن طريق الموقع الاكتروني الرئيسي
  • ليك حد اقصي 5 كتب تقدر تستعيرهم ومتقدرش تستعير اكتر من كدا
  • لو اتاخرت عن المدة المقررة عن للأستعارة بدون ما تجدد المدة للأستعارة هتدفع غرامة نص جنية عن كل يوم او حسب ما تقررة المكتبة الخاصة باسيوط
  • لو ضيعت الكتاب او اتقطع او حصل فية حاجة ،فانت قدامك اما تجيب نسخة حديثة من الكتاب + دفع 20% من قيمة الكتاب رسوم اعدادة وتجهيزة مره اخري بالمكتبة ،او تلتزم بسداد ضعف قيمة الكتاب او حسب ما تقرر المكتبة 

ازاي تستعير من مكتبة مصر العامة باسيوط؟

  1. اعمل العضوية الخاصة بيك فالمكتبة 
  2. اطلع الدور العلوي تصفح الرفوف والكتب او الروايات المفضلة ليك والي بتحب تقرا فيها
  3. استأذن من المشرف انك هتاخد الكتاب دة للأستعارة
  4. انزل الدور الارضي وروح عند مشرف الاستعارة واطلب منه استعارة الكتاب
  5. هيديلك استمارة اكتب فيها رقم العضوية او (رقم البطاقة لو الكارنية مطلعش) ورقم تلفونك ورقم مسلسل الكتاب واسم الكتاب وتاريخ رد الاستعارة ،امضي في الكشف كمان
  6. مبروك الكتاب متاح معاك لمدة 14 يوم لو شايف انك عاوز تزود المدة تواصل معاهم او روح زود المدة من مشرف الاستعارة

مكتبة مصر العامة باسيوط - عضوية ومواعيد مكتبة مصر العامة باسيوط
مكتبة مصر العامة باسيوط - عضوية ومواعيد مكتبة مصر العامة باسيوط

ممنوع منعا باتا

  • العبث باي من مقتنيات المكتبة او اتلافها ،ستتحمل تكلفة الشيئ بالكامل (انت او الطفل)
  • الدخول باي كتب او روايات او اللعاب او وسائط متشابه او موجودة في المكتبة واظن ان حضرتك عارف لية (فيها ايقاف عضوية مؤقتة ودائمة)
  • تلعب او تعدل في الاستيكر الخاص بالكتب او اي حاجة تخليك او تتيح لك انك تاخدها او بمعني اصح تسرقها
  • تقديم بيانات غلط في استمارة العضوية (ايقاف عضوية مؤقت ودائم)
  • تاخد الكتب وتمشي دون الرجوع لمكتب الاستعارة لأستكمال شروط الاستعارة ولو اتمسكت فيها ايقاف عضوية لمدة 6 اشهر لايقاف دائم
  • الاكل والشرب داخل قاعات الاطلاع للكبار والصغار ورمي الاكياس وغيرها في الاماكن الغير مخصص لها (حافظوا علي نظافة المكان)
  • ممنوع قطف الورد او اللعب في الحديقة بما يؤدي لدمارها
  • ممنوع التدخين والصوت العالي بالمكتبة 

اخيرا 
حابب اشكر كل الشكر للأستاذة هاجر محروس علي تعاونها معانا واعطائنا فرصة التغطية للمكان والتصاريح اللازمة للتصوير كمان حابب اشكر المشرف والاستاذة المسؤلة عن قسم كتب ريادة الاعمال ورفوف لتعريفي علي انظمة المكتبة والاستعاره حقيقي حد يستحق الشكر والثناء والحوار معاها مثري بشكل كبير ... فشكرا مرة اخري

صور مكتبة مصر العامة باسيوط

مكتبة مصر العامة باسيوط - عضوية ومواعيد مكتبة مصر العامة باسيوط
مكتبة مصر العامة باسيوط - عضوية ومواعيد مكتبة مصر العامة باسيوط

مكتبة مصر العامة باسيوط - عضوية ومواعيد مكتبة مصر العامة باسيوط
مكتبة مصر العامة باسيوط - عضوية ومواعيد مكتبة مصر العامة باسيوط

مكتبة مصر العامة باسيوط - عضوية ومواعيد مكتبة مصر العامة باسيوط
مكتبة مصر العامة باسيوط - عضوية ومواعيد مكتبة مصر العامة باسيوط

مكتبة مصر العامة باسيوط - عضوية ومواعيد مكتبة مصر العامة باسيوط
مكتبة مصر العامة باسيوط - عضوية ومواعيد مكتبة مصر العامة باسيوط

مكتبة مصر العامة باسيوط - عضوية ومواعيد مكتبة مصر العامة باسيوط
مكتبة مصر العامة باسيوط - عضوية ومواعيد مكتبة مصر العامة باسيوط

مكتبة مصر العامة باسيوط - عضوية ومواعيد مكتبة مصر العامة باسيوط
مكتبة مصر العامة باسيوط - عضوية ومواعيد مكتبة مصر العامة باسيوط

مكتبة مصر العامة باسيوط - عضوية ومواعيد مكتبة مصر العامة باسيوط
مكتبة مصر العامة باسيوط - عضوية ومواعيد مكتبة مصر العامة باسيوط

مكتبة مصر العامة باسيوط - عضوية ومواعيد مكتبة مصر العامة باسيوط
مكتبة مصر العامة باسيوط - عضوية ومواعيد مكتبة مصر العامة باسيوط

مكتبة مصر العامة باسيوط - عضوية ومواعيد مكتبة مصر العامة باسيوط
مكتبة مصر العامة باسيوط - عضوية ومواعيد مكتبة مصر العامة باسيوط

مكتبة مصر العامة باسيوط - عضوية ومواعيد مكتبة مصر العامة باسيوط
مكتبة مصر العامة باسيوط - عضوية ومواعيد مكتبة مصر العامة باسيوط

مكتبة مصر العامة باسيوط - عضوية ومواعيد مكتبة مصر العامة باسيوط
مكتبة مصر العامة باسيوط - عضوية ومواعيد مكتبة مصر العامة باسيوط




تعليقات
ليست هناك تعليقات
إرسال تعليق
    - اعلان -


    تبديل الكتب في اسيوط

    للأعلان في نفس المساحة اضغط هنا

    - اعلان -


    تبديل الكتب في اسيوط

    للأعلان في نفس المساحة اضغط هنا




    وضع القراءة :
    حجم الخط
    +
    16
    -
    تباعد السطور
    +
    2
    -