أحدث منيو وارقام ديليفري مطعم كمونة أسيوط 2023

بتبحث عن منيو Bumble Burger او حابب تجرب وظهرتلك اعلانات بامبل برجر اسيوط ومش عارف توصل ؟ في المقالة دي بعد بحث وزيارة للمطعم بشكل متخفي هنوضحلك كل التفاصيل الي محتاج تعرفها عن المطعم من عنوان لارقام ديلفري للأسعار وغيرها من التفاصيل الي محتاج تعرفها.

أحدث منيو وأرقام بامبل برجر Bumble Burger أسيوط 

 بامبل برجر اسيوط

عرف يسوق لنفسة صح في مجال مطاعم البرجر والفرايد تشيكن والبيف فتح اول فرع امام نادي جامعة اسيوط وحصل ضجه كبيرة عليه بسبب حجم الأكل والاسعار المناسبة الي حد ما لاي حد حابب يخرج وياكل في مكان بشكل عام وبعدها كبر وتوسع وفتح فرع تاني في كورنيش النيل علي ثاوث هب

دي المره التانية الي نجرب فيها بامبل بصراحة حصلت تغييرات بسيطة وهوضح لحضراتكم المميزات والعيوب من وجهة نظرنا في المطعم مع ارفاق رقم بامبل برجر اسيوط علشان لو حبيت تعمل اوردر وانت فبيتك 

شوف كمان : أماكن للفسح في اسيوط 

ايجابيات وسلبيات بامبل برجر اسيوط من وجهة نظرنا

الفقرة دي بتتكلم عن وجهة نظرنا ومن خلال زيارتنا للمكان بشكل غير معلوم احنا مين وبدون تاثير علي تجربة كتابة المقال وطلبنا اكل زينا زي اي حد والمقال ليس اعلان ولا اكلنا ببلاش مثلا

العيوب او السلبيات المذكورة تم توضيحها لغرض واحد تحسين تجربة المطعم والقائمين عليه ولا يهدف لاي ضرر نهائيا علي تجربة العميل والزائر

ايجابيات مطعم بامبل :

1. المكان مناسب للعائلات وللكابلز وللخروج بشكل عام
2. سرعة تقديم الطلبات خلال 20 : 30 دقيقة بشكل عام
3. الكمية الكبيرة في الطلب وكمية بطاطس كفيلة تشبعك قبل ما تاكل الساندوينش
4. تناسب الاسعار الي حد ما مع الميزانية 
5. حسن التعامل والضيافة من الويتر والزوق في التعامل

سلبيات مطعم بامبل اسيوط :

1. للأسف حاطت ضريبة صالة 12% مع ان المطعم غير مسجل في وزارة السياحة او مكانتش واضحة رخصة وزارة السياحة لينا 
2. التبس لما حبينا ندي الويتر تبس علي حسن الخدمة بسؤال انت هتاخده كامل ولا اية الي هيتم وضح لنا ان التبس بيتقسم علي استف الويتر كله طيب ليه ؟ انا محتاج اديهالك انت بشخصك !
3. الويتر للأسف واقفين علي رجلهم طول الشيفت تقريبا دون ادني مراعاة ولا مسؤلية لتعبهم للأسف لاحظت التعب عليهم وعدم قدرتهم علي الوقوف لفترات طويلة ياريت يراعوا الحته دي 
4. تواجد صور الشخصيات الموجوده علي الحائط بتدي ايحاء للزائر ان في اشخاص بيبصوا عليهم وبصراحه مكانتش مريحه اطلاقا في التجربة الاخيرة لفرع الجامعه بخصوص الناس الي بتتحرج (زوجتي)
5. اسال قبل ما تطلب اذا كان البرجر الي اختارته سبايسي ولا عادي لو انت مش من هواه الحراق والاسبايسي 

رقم بامبل برجر اسيوط

متوفر رقمين فعليين حاليا لبمبل برجر وهو كالتالي 01208027777 ودا للأتصال وطلب الاوردرات لحد باب بيتك ودا 01002194064 للتواصل عبر الواتساب فقط 

الرقم المنشور بواسطة جوجل والـ ai لا يعمل وحاليا هما الارقام الحالية المرفقة بالاعلي.

موقع وعنوان بامبل برجر اسيوط

متوفر للمطعم فرعين رئيسين وهما كالتالي :
فرع الاساسي (الجامعه ) : اسيوط - امام نادي جامعه اسيوط - اسفل الكوبري

الفرع التاني الجديد : اسيوط - كورنيس النيل - منطقة تجمع ثاوث هب اسفل كورنيش النيل (فيري نايل سابقا)

منيو مطعم بامبل برجر أسيوط bumble burger menu

أراء الزوار في مطعم بامبل برجر Bumble Burger أسيوط

رأي 1 :

Bumble Burger 😍

اسرع واجمل  Burger and chicken sandwich في #اسيوط 🥰🔥🔥

وحرفيا الاكل نضيف وطعمه تحفه بجد 🤩وكمان أسعار خياليه للطلبه الغلابه الي زيي 🤩🔥

رأي 2 :

بدون مبالغه احلى برجر فحم يتاكل فى اسيوط والله انا مش اى برجر بحب اكله هنا بس ده بجد غير فكرتى تماما نضافه وكواليتى الاكل والتغليف وكل حاجه بيرفكت بجد 

وشكرا للشيف حسام على الروعه اللى بيعملها ♥️

والتشيكن كمان حلوه صحابى جربوها وعجبتهم جدا وكفايه نضافه الخضار بجد

كميه البطاطس ولا اروع والله😂♥️♥️♥️ 

الاكل كله تحفه احنا كل واحده فينا مقدرتش تكمل ساندوتش من حجمه ومشبع جدا ربنا يوسع رزقهم كمان وكمان ♥️ Bumble Burger

رأي 3 : 

ايه يا جماعه المكان ده .. والله اول مره اكل ساندوتش نضيف و طازه بالشكل ده 😭❤️

الساندوتش معاه بطاطس كتيره و مليان فراخ كتيره جدا بجد جوده العيش و الفراخ و البطاطس مدوقتش زيهم وحتي الاسعار كويسه جدًا مفيش مقارنه بينو و بين اي مكان تاني بجد ومش اخر مره هجيب منهم انا اعتمدت المكان خلاص 🫶🏻❤️

  Bumble Burgerربنا يوفقكم

تعديل المقال