وبس ياسيدي ونقلنا اسكندرية وجبناها اسيوط وجالنا عم اعمام سندوتشات الكبدة ف مصر باقصر واعظم منيو فيكي يا اسيوط
انتم في موعد مع مطعم كبدة الفلاح اسيوط ،يعني اجمد كبدة جاية فالطريق ويارب ما يخيب ظني ولا ظنك ولا ظن الناس فيه 😂
لو حبيت توصل للمنيو المرة الجاية الي هو عبارة عن وجبتين بالتمام والكمال هتلقاها في قسم مطاعم الكبدة في اسيوط ولو حبيت تعزمنا من هنا 💗😂
الصفحة الرسمية اخدت فترة تعلن عن افتتاحها القريب فاسيوط وانتشر الخبر في مجموعات اسيوط المهتمه بالاكل وحاجة اخر لذاذة
المهم المطعم افتتح يوم 20-5-2021 وحاليا بيستقبل طلبات الديليفري فاي وقت في نطاق مركز اسيوط نفسة
( للعلم والمعلومية كبدة اولاد الفلاح الاسكندراني "الاصلي" غير كبدة الفلاح الي فتح فاسيوط )
مقالة تهمك : افضل واشهر 4 مطاعم كبدة وسجق فاسيوط
تحديث هام للمعلومية ورئينا بكل شفافية
شخصيا رحنا جربنا كبده الفلاح من باب تجربة المطاعم الي ضفناها فالدليل ومع كامل الاسف اتصدمت من الاكل !!
المفروض اننا طلبنا 4 كبده اسكندراني + 2 كفته اجمالي الحساب كان 54 جنية
المهم سندوتشات الكبده معمولة في عيش فينو الرغيف الصغير دا ، مش دا المشكلة المشكلة اننا بندور عالكبده يكاد محطش كبده غير حته صغيره فلو ناوي تاكل كبده وتشبع فالكبده دي غير مرشحه اطلاقا دا بالاضافة الي ان الطعم مستحيل مستحيل تكون كبده اسكندراني ولا شمت ريحه الاسكندراني اساسا مع العلم اكدنا علية اكتر من مره انها تكون اسكندراني ولكن مش عارف اذا كانت دي الكبده الاسكندراني بالنسبة لهم ولا عمل كبده عادية لان حقيقي مستحيل دي تكون اسكندراني ... حقيقي اتضايقت جامد من الموضوع ومفكرتش اتواصل مع المسؤل ولا ارجع له لاني مكنتش فاضي بالاضافة الي ان اكيد حد من قراء المدونة هينبههم لغلطهم دا
نيجي لسندوتش الكفتة الي حد ما كويس بس خلي بالك رغيف الكفتة بلدي (حسب اختيارنا) وفيه صابع كفتة وحيد وشوية خضره .
اخيرا احنا مش بنكتب كدا علشان اتضايقنا ولا حصل الي حصل ..احنا بنكتب كدا علشان نشارك تجربتنا مع قراءنا الاعزاء واكيد يعني حتي لو تواصل معانا المسؤل علشان نغير رأينا مشهنغير غير بالتجربة وهتكون برضو بدون معرفة هوياتنا الحقيقية علشان يكون في شفافية في الموضوع
الاتصال بالديليفري
يوفر المطعم خدمة الديليفري والتوصيل حتي باب المنزل بمركز اسيوط من خلال الاتصال علي الارقام التالية (اضغط علي الرقم مباشرتآ للأتصال)
01227777826
عنوان المطعم :
مطعم كبدة الفلاح اسيوط موجود في :اسيوط - شارع النميس الرئيسى من ناحية الكورنيش
الخريطة تم وضعها بناءا علي صفحتهم الرسمية
منيو مطعم كبدة الفلاح اسيوط
المنيو يحدث بصفة دورية (اخر تحديث 2021-5-21)
يرجي التحقق من العروض والخصومات المقدمة من المطعم عن طريق سؤال خدمة العملاء او الدخول علي قسم العروض بالتطبيق او الموقع
 |
| منيو ورقم ديليفري كبدة الفلاح اسيوط |
اراء الزباين فالمطعم
الرأي الاول:
من حظي الحلو اني قدرت اجرب "كبدة الفلاح" في يوم الافتتاح طعمها حلو ولمون عليها وصباع الفلفل ❤️🔥
عيبه الوحيد ان سندوتش حجمة صغير وب5جنية 😂
الرأي الثاني:
كلمة حق 😅😁❤
كبدة الفلاح مع افتتاحه انهردة ف اسيوط بس حقيقي كان حلو جدا و السنادوتشات طالعه جامدة و سخنه و حلوة بغباء و حقيقي طعمه تحفه و دا مكنش متوقع بسبب الزحمه و ان الساندوتشات بتطلع بسرعه ف اكيد مش هتبقي بجوده بس حقيقي طلع عكس التوقعات و طعمه حكايه انصح بشده ✌❤😁❤❤
كنت هموت و انزل ال ٢٢ ساندوتش بس للأسف اتاكله قبل ما اصور 😂💔
في حب كبدة الفلاح اسيوط ❤
الرأي الثالث:
اكتب لنا رأيك تجربتك بالتعليقات
قولنا وشاركنا رأيك فالتعليقات 👇👇
وعلي الله فاليتوكل المتوكلون
إرسال ردحذف