يستحق الدعم ... محمد حسن لبيع النباتات وشتلات الزهور وعصافير الزينة في اسيوط

بتدور علي مكان لبيع شتلات الورد والريحان والنباتات في اسيوط ؟ في المقالة دي هحكيلك تجربتي مع شخص جميل بيسعي علي اكل عيشة ومنتجات ماشاء الله عليها واسعار حنينة جدا

نباتات زينة وعطرية في اسيوط - مشاتل اسيوط

وانا بتمشي نواحي دار المناسبات في شارع الازهر قابلت محمد بعجلة محمل عليها ورد وزرع كتير وطبعا ولاني مهتم بالموضوع فلفت نظري ،اتمشيت عليه لقيت عنده ما لذ وطاب من منتجات وشتلات زرع والاسعار ماشاء الله كويسة جدا ومناسبة للكل.

بعد كلام ودردشة مع محمد عرفت انه بيوصل منتجاته وطلبات العملاء لحد باب البيت في نطاق اسيوط المحافظة وبيغطي أماكن قريبة من بعض زي الازهر - والجمهورية - الهلالي وغيرها

ومن باب المسؤلية في دليل أسيوط حبيت ادعمة باني انزل له مقالة بتغطي كل التفاصيل الخاصة بيه لعل وعسي تكون باب خير ليه ولغيره.

هتلقي عند محمد اغلب النباتات الزينة والعطرية كمان منها (النعناع والريحان والوانكا وست الحسن واللافندر والروزماري والفلفل الحار والصبار والورد البلدي ...الخ )وحجاااات كتير قوي لو قعدت للصبح مش هقدر اغطيها

محمد مش بس عنده نباتات زينة وعطرية لا كمان شغال في عصافير الزينة علي حد كلامة

نباتات زينة وعطرية في اسيوط - مشاتل اسيوط

الأسعار والتكلفة !

علشان تكون علي بينه الأسعار بتختلف حسب حجات كتير خصوصا فالمزروعات وحسب الوقت الي بتقرا فيه المقالة لان اكيد الاسعار في تغير مستمر

المهم اغلب الشتلات والنبات بتكون احجام مختلفة صغير وسط وكبير ... اصغر حاجة بتبدأ من 10جنية والوسط او الكبير ب 15 وعلي حسب

تتخيل طبعا ان الشتلة هتكون صغيره !!؟ لا طبعا الصغر بمعني عدد الشتلات في الاصيص وحجم الاصيص لكن النبات كبير بيكون طولة ف حدود 15 لـ 20 سنتي وببزور او ورد حسب كل نبات طبعا

يُفضل تكون من هواة ومحبي زراعة النبات وعندك خبرة بسيطة للعناية بالنباتات لأن الناس بيكون عندهم مشكلة بخصوص الزرع الي بيموت لما بترجع بيه من المشتل او عند البايع ... وبيفكروا المشتل عامل حاجة علشان يموت النبات

انا عن نفسي اشتريت منه روزماري وشيح العطارين وورده بلدي لكن بسبب سوء رعاية مني ماتت الوردة البلدي ودا شيئ طبيعي لان النبات لما بتتغير بيئتة فجأة مع سوء الرعاية بتموت

صورة ليلية ... للنباتات الي اشتريتها من محمد

نصايح للتعامل مع النبات بشكل سليم

اول ما تجيب النبات لو فاصيص صغير انقلة برفق في مكان اوسع
الري الكتير بيموت الزرع لان الجدر بيعفن وكذلك متعطش النبات مش انسان هوا هيستحمل
احتفظ بالبزور الخاص باي نبات للزمن ممكن تحتاجة لو حبيت تشتل منه في شهر امشير وغيره
بعض النباتات يفضل تقص العرش(راس البذور بالنبات) منها زي الريحان والنعناع علشان يفضل النبات اخضر ويستمد طاقتة من المياة

للتواصل مع محمد

للأسف من الحديث مع محمد بيقول انه مش متوفر عنده واتساب حاليا لحد ما ربنا يكرمة ويوسعها عليه وعلشان تطلب اي شتلات او زرع تقدر تتصل بيه علي الرقم دا

محمد لبيع شتلات الزهور : 01004490213 (اضغط للأتصال)

نباتات زينة وعطرية في اسيوط - مشاتل اسيوط

قولنا انت !

تعرف اماكن تانية تستحق الدعم وبتبيع نباتات زينة وشتلات في اسيوط ؟

تعديل المقال

دليل اسيوط | دليلك لأشهر اماكن اسيوط ، مطاعم اسيوط ، فنادق اسيوط ، اماكن اسيوط ،كافيهات اسيوط